उभ्या ट्रकला जबर धडक
🔸दुचाकीस्वार जागीच ठार
🔸मार्डी खैरगाव महामार्गावरील घटना
मारेगाव : प्रतिनिधी
भरधाव वेगाने जाणाऱ्या दुचाकीस्वाराने उभ्या ट्रकला जबर धडक दिल्याने दुचाकीस्वार जागीच ठार झाल्याची घटना मार्डी खैरगाव रस्त्यालगत शनिवारला रात्री १० वाजताचे दरम्यान घडली.
संजय पांडुरंग धारणे (४८) असे अपघातात जागीच ठार झालेल्या इसमाचे नाव आहे.
ते चिंचमंडळ कडून दुचाकी क्रमांक एम.एच.४० डी.६३८२ ने मार्डी जवळील किन्हाळा येथील मूळ गावी येत असतांना मार्डी खैरगाव रस्त्यालगत उभ्या ट्रक ला जबर धडक दिली.यात त्यांच्या डोक्याला गंभीर इजा पोहचल्याने धारणे यांचा जागीच मृत्यू झाला.
मृतकाच्या पश्चात आई , पत्नी ,एक मुलगा , दोन मुली असा आप्तपरीवार आहे.
दरम्यान रस्त्यालगत वाहने उभी करीत असतांना दिशादर्शक संकेत नसल्याने लहान वाहन धारकांचा अंदाज चुकून अपघाताला मोठ्या प्रमाणात निमंत्रण मिळत जीवघेणे ठरत आहे.