ऑटो पलटी , चार जन जखमी

ऑटो पलटी , चार जन जखमी

🔸️दोघे गंभीर

🔸️खडकी जवळील घटना

मारेगाव : प्रतिनिधी

  मारेगाव येथून प्रवासी घेऊन निघालेला ऑटो खडकी पुलासमोर राज्यमहामार्गाच्या कडेला पलटी झाल्याने चार जन जखमी झाल्याची घटना आज बुधवारला सकाळी साडेनऊ वाजताचे दरम्यान घडली.

मारेगाव येथील नेहारे यांचे नातेवाईक घोगुलदरा येथील नातेवाईकाच्या लग्नाला ऑटोने निघाले.ऑटो चालक भुपेश वाटगुरे याचे वाहनावरून नियंत्रण सुटून ऑटो रस्त्याच्या कडेला जाऊन पडले.या अपघातात मारेगाव येथील चालक वाटगुरे (४०)सह आदिती राऊत (९) कळंब , मधुकर लसवंते (६५)रा.पुलगाव व दर्शक नेहारे ( २ वर्ष ) रा. मारेगाव हे जखमी झाले.जखमीतील दोघांना गंभीर इजा पोहचली असून पुढील उपचारार्थ चंद्रपूर येथे हलविण्यात आल्याची माहिती आहे.

दरम्यान , ऑटो चालकास झोपेची कळ लागल्याने सदर अपघात झाल्याची विश्वसनीय माहिती आहे.त्याच्या बेताल चालविण्याने प्रवाशांनी वारंवार थांबविण्यासाठी सूचना केली होती मात्र काहीही ऐकण्याच्या मनस्थितीत नसलेल्या चालकाचा वाहनावरून ताबा सुटला आणि अपघात झाल्याची माहिती जखमींनी दिली. पुढील तपास मारेगाव पोलीस करीत आहेत.