टँकर नाल्यात कोसळल्याने चालक जागीच ठार
कुंभा:- प्रतिनिधी
परिसरात बेबळा कालव्याची कामे जोमाने सुरू आहे. या कामांना पाणी पुरवठा करण्याकरिता जात असलेला टँकर नाल्यात कोसळला. या घटनेत चालकाचा जागीच मृत्यू झाला. सदर घटना आज 24मार्च रोजी दोन वाजताच्या दरम्यान घडली.
शिवदास जयसिंग राठोड वय 64 वर्ष, रा. करजी असे मृतक चालकाचे नाव आहे. बेंबळा कालवाच्या कामाला पाणी टँकरद्वारे पुरविण्यात येत. अशातच आज भरलेला टँकर घेऊन जात असताना अचानक नाल्यात कोसळला. यात चालकाचा जागीच मृत्यू झाला. पोलीस येण्यापूर्वीच टँकर सूव्यवस्थित करून ठेवण्यात आल्यामुळे नागरिकांमध्ये उलटसुलट चर्चेला पेव फुटले आहे. याबाबतचा पुढील तपास सहाय्यक पोलीस उपनिरीक्षक ज्ञानेश्वर सावंत करित आहे.
.jpg)
