मतदान करताना चा व्हिडिओ व्हायरल

मतदान करताना चा व्हिडिओ व्हायरल

🔸मारेगाव येथील धक्कादायक प्रकार 

🔸कार्यवाहीकडे जनसामान्यचे लक्ष

मारेगाव :- कैलास ठेंगणे
मारेगाव नगरपंचायत मधील प्रभाग क्रमांक 16 येथील एका मतदाराने मतदान करताना चा स्वतःचा व्हिडीओ सोशल मीडियावर व्हायरल केल्याने खळबळ उडाली. मतदान गोपनीयतेच्या भंग झाला असून मतदान केंद्रावरील सुरक्षा व्यवस्थेवर प्रश्नचिन्ह निर्माण झाले आहे.

मारेगाव नगरपंचायतचा सार्वत्रिक निवडणुकीचा रणसंग्राम नुकताच पार पडला .या निवडणुकीचे निकाल जाहीर झाले. मात्र निकाल जाहीर होताच एका मतदाराने स्वतःचा मतदान करताना चा व्हिडिओ समाजमाध्यम वायरल केला . यात ज्या उमेदवाराला मतदान केले ते देखील स्पष्ट या व्हिडिओमध्ये दिसत आहे. निवडणुकीत उमेदवारांनी मतदारांना प्रलोभन दिल्याने सदर प्रकार घडल्याच्या प्रतिक्रिया समाज माध्यमावर उमटत आहे.

ओबीसी आरक्षणामुळे रद्द झालेल्या तिन्ही प्रभागातील निवडणूका नुकत्याच पार पडल्या . मतदान केंद्र आदर्श शाळांमध्ये प्रभाग क्रमांक 16 करिता मतदान झाले. यावेळी एका मतदाराने मतदान करताना ईव्हीएम बॅलेटींग युनिटचा मोबाईल मध्ये व्हिडिओ काढला. या प्रकाराने मतदानाच्या गोपनीयतेचा भंग आहे . मतदान वायरल होऊ नये यासाठी निवडणूक आयोगाने मतदान केंद्रावर मोबाईल घेऊन जाण्यासाठी निर्बंध घातले असताना ही मोबाईल मध्ये व्हिडीओ चित्रीकरण करण्यात आल्याने आश्चर्य व्यक्त होत आहे या सर्व गंभीर प्रकाराबाबत काय कार्यवाही होते याकडे जनसामान्यांची लक्ष लागले. याबाबत जिल्हाधिकाऱ्यांकडे तक्रार प्राप्त झाली असल्याची प्रतिक्रिया जिल्हाधिकारी अमोल येडगे यांनी दिली.