ट्रकच्या धडकेत दुचाकीस्वार जागीच ठार
🔸राजुर फाट्या जवळील घटना
राजूर फाट्यावर ट्रकने दुचाकीला धडक दिल्याने ५० वर्षीय दुचाकीस्वार ठार झाल्याची घटना शुक्रवारी रात्री ८ वाजताचे सुमारास घडली आहे.
मोहन दादाजी जांभुळकर असे अपघातात ठार झालेल्या व्यक्तीचे नाव आहे. त्याचे मूळ गाव हे डोंगरगाव (वेगाव) मात्र हल्ली ते मारेगाव तालुक्यातील कोठोडा येथे सासुरवाडीला राहात होता. पाटाळा येथे रोज कामानिमित्त दुचाकी क्रमांक एम एच २९ ए पी २१६४ ने ये-जा करीत होता. शुक्रवारी मोहन कामावरून गावाकडे जात असताना वणी यवतमाळ मार्गावरील राजूर फाट्याच्या वळणावर त्याच्या दुचाकीला ट्रकची धडक बसली. त्यात तो खाली पडून जागीच ठार झाला. मात्र ट्रक चालक वाहन घेऊन पसार झाला. रस्त्याने जाणाऱ्या लोकांनी त्याला आटोने वणीच्या ग्रामीण रुग्णालयात आणले असता डॉक्टरांनी त्याला मृत घोषित केले होते. खिशात असलेल्या आधारकार्ड वरून मोहनची ओळख पटली. पुढील तपास वणी पोलीस करीत आहे.
.jpg)
