दुचाकींची समोरासमोर धडक चार जण गंभीर
मांगरुळ जवळील घटना..
मारेगाव पोलीस ठाण्याच्या हद्दीत येणाऱ्या मांगरुळ नजीक दोन दुचाकींची समोरासमोर धडक झाली. या अपघातात चार जण गंभीर जखमी झाल्याची घटना मंगळवारी सायंकाळी साडेसात वाजता चे सुमारास घडली आहे.
पांढरकवडा तालुक्यातील करंजी येथील सुनील पांडुरंग नागरे,३२ हे पत्नी किरण ३२, मुलगी तन्वी १५ हिला घेऊन वणीवरून करंजी कडे दुचाकीने जात होते. दरम्यान संदीप बोंडे ४०, रा. कुंभारी ता. घाटंजी हा दुचाकीने मारेगाव कडून वणीकडे येत असताना मांगरुळ नजीक दोन्ही दुचाकींची समोरासमोर धडक बसली या धडकेत दोन्ही दुचाकीवरील चारही जण गंभीर जखमी झाले. जखमींना मारेगाव ग्रामीण रुग्णालयात उपचारासाठी दाखल करण्यात आले होते. परंतु त्यांची प्रकृती गंभीर असल्याने पुढील उपचारासाठी चंद्रपूर येथे हलविण्यात आल्याची माहिती आहे. घटनास्थळी मारेगाव पोलीस ठाण्यातील जमादार आनंद अलचेवार हे दाखल झाले होते
.jpg)
