शेतातून दोन लाखाचे सोयाबीन व कापूस लंपास

खळबळजनक..

शेतातून दोन लाखाचे सोयाबीन व कापूस लंपास

🔸मारेगाव तालुक्यातील वेगाव शिवारातील घटना

🔸शेतकऱ्यांनी सावध होण्याची गरज

वेगाव: राज पिपराडे

मारेगाव तालुक्यातील वेगाव येथील शेतात असलेल्या बंड्यातून सोयाबीन व कापसावर अज्ञात चोरट्यांनी डल्ला मारून किमान दोन लाखाचा फटका बसल्याने पिडीत शेतकऱ्याने मारेगाव पोलिसात तक्रार दाखल केली आहे. दरम्यान अलीकडेच चोरट्यांचा धुडगूस वाढत असल्याने शेतकऱ्यांनी सावध होण्याची गरज निर्माण झाली आहे.

वेगाव येथील पिडीत शेतकरी वसंतराव काकडे यांचे शेत बोर्डा रस्त्याने आहे.शेतात असलेल्या बंड्यात दरवर्षी शेतातील निघालेले उत्पन्न व गुरांची व्यवस्था कायमस्वरूपी असते.यंदाही शेतातील निघालेले २५ पोते सोयाबीन व पाच क्विंटल कापूस असतांना दि.१० डिसेंबर रोजीच्या रात्रीला अज्ञात चोरट्यांनी अंदाजे दोन लाखाच्या शेतमालावर डल्ला मारला.

दरम्यान पिडीत शेतकऱ्याने मारेगाव पोलिसात तक्रार दाखल केली असून पोलिसांचा तपास सुरू आहे. परिणामी शेतकऱ्यांनी आपल्या उत्पादनाची विशेष काळजी घेऊन सतर्कता बाळगण्याची गरज निर्माण झाली आहे. 

अज्ञात चोरटे मोठे वाहन घेऊन आले असावे व तालुक्यात खेडा खरेदीचा पसारा वाढला असतांना नेहमीच्या पहाणीतील चोरटे असावे असा कयास व्यक्त केला जातो आहे.