पिकअपची ऑटोला धडक...
सात जण गंभीर जखमी
वणी प्रतिनिधी
दि १३ ला वणी-मुकूटबन मार्गावरील काकडे यांचे शेताजवळ वणीहून जाणा-या मालवाहू पिकअप ने ऑटोला समोरासमोर धडक दिली. यात ऑटोतील सात जण जखमी झाल्याची घटना सोमवारी रात्री आठ वाजताचे सुमारास घडली आहे. यातील दोन ते तिन जण गंभिर जखमी असल्याची माहिती आहे. उपचारासाठी त्यांना चंद्रपूर येथे हलविण्यात आले आहे.
मारेगांव तालूक्यातील वेगांव येथील गंगूबाई सुरेश ठावरी,कल्पना धोबे, सुरेश ठावरी, तुळसाबाई पोटे, मयुर लक्ष्मण ठावरी, हर्षल गायकवाड विरकूंड हे कायर जवळील पिंपरी येथे स्वयंपाक करण्यासाठी ऑटो क्रमांक एम एच 29 टी 7695 ने गेले होते. सर्व कार्यक्रम आटोपून गावाकडे परत येत असतांना वणीकडून जाणारा मालवाहू पिकअप क्रमांक एमएच 29 टी 4610 ने वणी-मुकूटबन मार्गावरील काकडे यांच्या शेताजवळ ऑटोला धडक दिली. यात ऑटोतील वरील सात जण जखमी झाले आहेत. जखमींना वणीच्या ग्रामिण रूग्णालयात हलविण्यात आले होते. यातील दोन ते तिन जणांची प्रकृती गंभिर असल्याने त्यांना चंद्रपूर येथे हलविण्यात आले आहे. धडक बसल्यानंतर पुढे जावून पिकअप उलटला होता. वाहनावर शेलवडे ब्रदर्स तेजापूर असे लिहीले आहे. पुढील तपास वणी पोलीस करीत आहेत.
.jpg)
