मारेगावचे विजय चंदनखेडे अपघातात ठार
- वणी तालुक्यातील पेटुर जवळील घटना
- मारेगावात शोककळा
मारेगाव : सचिन मेश्राम
मारेगाव येथील प्रभाग क्रमांक आठ मधील युवक आपल्या खाजगी कामानिमित्त मुकुडबन येथे दुचाकीने जात असतांना समोरुन येणार्या आयव्हाने जबर धडक दिल्याने दुचाकीस्वार जागीच ठार झाल्याची घटना आज शनिवारला सकाळी अकरा वाजताचे दरम्यान पेटुर नजिक घडली.या दुर्देवी घटनेने मारेगावात शोककळा पसरली आहे. 
विजय सुधाकर चंदनखेडे (३८) इंदिरा नगर मारेगाव असे अपघातात मृत्युमुखी पडलेल्या युवकाचे नाव आहे.ते कामानिमित्त वणी वरुण दुचाकीने मुकुडबन येथे जात असतांना समोरुन येणार्या आयव्हा ट्रक क्रमांक एम.एच.४० बी.जी. ६५५१ ने पेटुर पुलानजिक 
दुचाकीला जबर धडक दिली.ही धडक भयावह होती की दुचाकीस्वार या धडकेत वीस फुट पुलाखाली कोसळून गतप्राण झाला.तुर्तास वणी पोलिसांनी मृतदेह उत्तरीय तपासणी करिता वणी रुग्णालयात दाखल केला आहे.मृतक विजय यांचे वर सायंकाळी सहा वाजता मारेगाव येथील स्मशानभूमीत अंत्यसंस्कार करण्यात येणार असल्याची माहिती कुटुंबियांनी दिली.
मृतक विजय यांच्या पश्चात आई शोभा,पत्नी स्वाती,मुलगा प्रणव व दोन भाऊ गजानन आणी अजय असा आप्तपरिवार आहे.
.jpg)
