अवघ्या सहा वर्षीय बालिकेवर लैंगिक अत्याचार करून काटेरी फासात फेकले
🔶तीस वर्षीय विकृत नराधमाच्या प्रताप
🔶 किळसवाणा प्रकाराने सर्वत्र संतापाची लाट
🔶आरोपी मारोती भेंडाळे यास मारेगाव पोलिसांनी वडकीत ठोकल्या बेड्या
तालुक्यातील पहापळ येथे ९ मे च्या रात्री रहस्यमयरित्या बेपत्ता झालेल्या सहा वर्षीय बालिकेवर विकृत मानसिकतेने मानवी परिसिमा ओलांडत तीस वर्षीय इसमाने लैंगिक अत्याचार केला.तो नराधम एवढ्यावरच न थांबता चक्क पिडितेस काटेरी फासात टाकले.या विकृत आरोपी विरोधात व घटनेने पहापळ गाव पुरता हादरला असून पंचक्रोशीतील समाजमनात प्रचंड संतापाची लाट उसळली आहे. मारोती मधुकर भेंडाळे रा. पहापळ असे विकृतपणाचे दर्शन घडविलेल्या आरोपीचे नाव आहे.
९ मे रोजी पहापळ येथे हळदीचा कार्यक्रम सुरू असतांना रात्री सात वाजताचे दरम्यान सहा वर्षीय बालिकेस तिच्या आजीने गावालगत असलेल्या शेतात शौचास नेले.आजी घराशेजारी आल्यानंतर उशिरापर्यंत नात कार्यक्रमस्थळी आलीच नाही.रहस्यमयरित्या बेपत्ता झाल्याने बालिकेचा सर्वत्र शोध सुरू झाला. किमान २०० लोकांनी रात्रभर परिसर ,शिवार पिंजून काढला.दुसऱ्या दिवसाला सकाळी गावातील किमान एक कि. मी.अंतरावर असलेल्या एका शेतातील काटेरी फासात तिचा आजी म्हणून आवाज आला.शोधात असलेल्या इसमाने हा काटेरी फास उचलताच भंबेरी उडालेल्या , प्रचंड दहशत अन रक्तबंबाळ अवस्थेत बालिका निदर्शनास आली.आश्चर्य आणि दहशत निर्माण करणाऱ्या घटनेची पोलिसात तक्रार दाखल करण्यात आली.
दरम्यान , तिला वणी येथे प्राथमिक उपचारानंतर यवतमाळ रूग्णालयात दाखल करण्यात आले.तपासणी अंती बालिकेवर लैंगिक अत्याचार झाल्याचे स्पष्ट झाले.पोलिसांनी तपासाची चक्रे जलदगतीने फिरवीत बालिकेला विश्वासात घेतले.तिने संशायित आरोपीचे थेट नाव सांगत घडलेला प्रकार सांगितला. तिच्यावर लैंगिक अत्याचार केल्यानंतर ती निपचित पडली. आरोपीने नंतर तिला काटेरी फासात टाकले.
समाजमन सुन्न करणाऱ्या या घटनेने पुरता तालुका हादरला.परिणामी आरोपीने गावातून पोबारा केला.पोलिसांनी तपासाची चक्रे फिरवीत आरोपी मारोती मधुकर भेंडाळे यास राळेगाव तालुक्यातील वडकी येथून अटक केली.कोवळ्या कळीचे लचके तोडणाऱ्या विकृत नराधमां विरोधात संतापाची लाट उसळली आहे.
.jpg)
