दुचाकीची पशुधनाला ला धडक
🔸 १ ठार १ जखमी
मारेगाव : प्रतिनिधी
मारेगाव वरून मांगरुळ कडे जाणाऱ्या दुचाकीची पशुधनास जबर धडक बसल्याने दुचाकीस्वार जागीच ठार तर सहकारी मित्र गंभीर जखमी झाल्याची घटना शनिवार ला रात्री आठ वाजताचे दरम्यान राज्यमहामार्गावर घडली.
संतोष प्रभाकर सूर (२८) रा.वेगाव असे अपघातात ठार झालेल्या युवकाचे नाव आहे.गोलू रामा टेकाम (२६) हा युवक जखमी झाला आहे.
हे दोघेही दुचाकीने गावाकडे जात असतांना पशुधन ( म्हैस ) आडवे आले यात पशुधनास जबर धडक दिल्याने दुचाकीस्वार जागीच ठार झाला.विशेष म्हणजे मृत संतोष यांच्या चुलत भावाच्या लग्नाचा कार्यक्रम असतांना या दुर्देवी घटनेने कार्यक्रमावर विरजण पडले.