क्रूझरच्या धडकेत सराटीचा युवक जागीच गतप्राण

धक्कादायक....

क्रूझरच्या धडकेत सराटीचा युवक जागीच गतप्राण

🔸मारेगाव राज्य महामार्गावरील घटना

🔸सराटी गावात शोककळा

मारेगाव : प्रतिनिधी
मारेगाव दुभाजक ओलांडून वळण घेत असलेल्या दुचाकीला मागावून आलेली क्रूझर प्रवासी वाहनाने जबर धडक दिल्याने दुचाकीस्वार जागीच ठार झाल्याची घटना मारेगाव राष्ट्रीय विद्यालय समोर दुपारी एक वाजता घडली. परितोष संजय गाथाडे रा.सराटी वय २७ असे अपघातात गतप्राण झालेल्या युवकाचे नाव आहे.

वणी वरून प्रवासी घेऊन येणारी क्रूझर क्रमांक एम.एच.३१ बी. बी. ६४५७ हे वाहन मारेगाव कडे येत होती.याच दरम्यान दुभाजक ओलांडून दुचाकीस्वार वळण घेत असतांना मागावून भरधाव वेगाने येत असलेल्या क्रूझर प्रवासी वाहनाने दुचाकीस्वार यास जबर धडक दिली.या भीषण अपघातात दुचाकीस्वार परितोष गाथाडे हा युवक जागीच ठार झाला.

दरम्यान मृतक युवकास ग्रामीण रुग्णालयात दाखल करण्यात आले असून अपघात ग्रस्त वाहन पोलिसांनी ताब्यात घेतले आहे.परिणामी युवकाच्या अकाली मृत्यूने सराटी गावात शोककळा पससली आहे.