प्रसूतीसाठी आलेल्या महिलेस कापडासाठी केले रेफर

धक्कादायक...

प्रसूतीसाठी आलेल्या महिलेस  कापडासाठी केले रेफर

🔸वणी रुग्णालयाचा गलथानपणा चव्हाट्यावर

🔸कापड धुतले नसल्याचा जावई शोध

🔸शिवसेनेचा आंदोलनाचा इशारा

वणी : प्रतिनिधी
वणी ग्रामीण रुग्णालयातील वैद्यकीय अधिकाऱ्यांच्या मनमानी कारभारामुळे रुग्णांना नेहमीच नाहक त्रासाला सामोर जावे लागत आहे.केवळ बाळंतिणीला लागणारे कापड धुवून नसल्याची सबब सांगून चक्क रेफर करण्याचा धक्कादायक प्रकार समोर आला आहे. त्यामुळे अधिकाऱ्यांच्या पबेताल कारभारा विरोधात आंदोलन छेडण्याचा इशारा शिवसेनेचे शहर प्रमुख राजू तुरणकार यांनी दिला आहे.

 
वणी ग्रामीण रुग्णालय ही नेहमीच या ना त्या कारणाने विशेष बहुचर्चित असते.दोन दिवसांपूर्वी प्रसूती करिता वारगाव येथील महिलेस केवळ कापड धुवून नसल्याचे कारण सांगून चक्क रेफर करण्याचा सोज्वळ दिला.त्यानुसार तिला रेफरही करण्यात आले. त्यामुळे या प्रशासनाचे लक्तरे वेशीवर टांगल्या जात आहे.येथील वैद्यकीय अधिकारी यांच्या बेताल वागणुकीने रुग्णांना प्रामुख्याने प्रसूती करिता येणाऱ्या महिलांना नाहक त्रासासह आर्थिक भुर्दंड सहन करावा लागत आहे. रुग्णालयाच्या गलथान कारभारा विरोधात तुरणकार यांनी थेट जिल्हा शल्य चिकित्सक, आरोग्य संचालक आणि उपायुक्त यांना तक्रार केली असून या गंभीर बाबीची दखल घेण्याचे आश्वासन दिले.रुग्णालयाचा बेतालपणा चव्हाट्यावर आला नाहीतर जिल्हा शल्य चिकित्सक कार्यालय समोर आंदोलन करू असा गर्भित इशारा राजू तुरणकार यांनी दिला आहे.

परंतु आजही दवाखान्यात तशीच परिस्थिती असून येथील गाडा हाकलण्यात वैद्यकीय अधिकारी असमर्थ दिसत असल्याचा आरोप शिवसेनेचे शहर प्रमुख राजू तुराणकर यांनी केला आहे.