एका वृद्धाने घेतला गळफास

आत्महत्येची धग...

पुन्हा एका वृद्धाने घेतला गळफास

🔸 रामेश्वर येथील घटना

🔸 सलग आत्महत्येने हादरतोय मारेगाव तालुका

मारेगाव : प्रतिनिधी

सातत्याने आत्महत्येची धग कायम असतांना आज गुरुवारला सकाळी तालुक्यातील रामेश्वर येथील साठ वर्षीय वृद्धाने चिंचेच्या झाडाला गळफास घेऊन जीवनयात्रा संपविल्याची घटना घडली.मागील चोवीस तासात तालुक्यातील दोन आणि सलग आत्महत्येने तालुका हादरतो आहे.

तालुक्यातील रामेश्वर येथील रघुनाथ महादेव देऊळकर असे गळफास घेतलेल्या इसमाचे नाव आहे. गावालगत असलेल्या एका शेतातील चिंचेच्या झाडाला त्यांनी सकाळी दहा वाजता गळफास लावून जीवनयात्रा संपविली.आत्महत्येचे नेमके कारण समजू शकले नसून मृतकाच्या पश्चात पत्नी व दोन मुले आहेत.

मारेगाव तालुक्यात सातत्याने होत असलेल्या आत्महत्येचे गूढ उकलण्यात कोणतीही सामाजिक , राजकीय संघटना सह प्रशासन जनजागृतीसाठी पुढे सरसावत नसून सलग आत्महत्येने मारेगाव तालुक्याची ओळख 'आत्महत्येचा तालुका' म्हणून होण्याच्या उंबरठ्यावर आहे.