म्हणे..मारेगावात समस्या सोडवण्यासाठी लागतो ठराव
🔸नगरपंचायतचा अजब फतवा अन नवा जावई शोध
🔸पावसाचे पाणी अनेकांचे घरात
🔸ईमारत व अधिकारी उरले नावालाच
🔸लोकप्रतिनिधी केवळ नामधारी झाल्याची चर्चा
मारेगाव : कैलास ठेंगणे
निर्मितीपासून बेताल व गहन चर्चेचा विषय राहिलेल्या नगरपंचायत नियमित वादाच्या भोवऱ्यात सापडत आहे. नागरिकांच्या समस्या किती सुटल्या यापेक्षा अधिकारी किती गडेलठ्ठ झाले. याचा पूर्ण अनुभव शहरवासीयांना मुखपाठ आहे. नव्या दमाचे, नव्या जोमाचे लोकप्रतिनिधी अधिकाऱ्यांच्या गळ्यातील ताईत कसे बनत असल्याचा अनुभव २० जुलै रोजी झालेल्या धुवाधार पावसाने मारेगावकरांना अनुभवायला लावला.
मारेगाव शहरवासीयांची आन-बान शान असलेली टोलेजंग इमारत म्हणजे नगरपंचायत. या इमारतीतून उंटावरून शेळ्या हाकलल्या सारख्या शहराचा सर्वांगीण विकासाच्या गप्पा हाकल्या जाते. रातोरात लाखो रुपयाच्या निधीची मर्यादित सवंगडीच्या माध्यमातून विल्हेवाट लावले जाते.हे वास्तव असतांना जनतेच्या डोळ्यात अजूनही धूळ फेकली जात आहे.
शहरात बहुतांश ठिकाणी चिखलाचे साम्राज्य आहे.ज्यांना नाहक त्रास होतो आहे अशांना तात्पुरता मुरूम टाकून वेळ काढण्याचेही सौजन्य दिसत नाही.त्यामुळे आरोग्याचा प्रश्न ऐरणीवर येत आहे.मात्र मूग गिळलेल्या प्रशासनाची कर्तव्याप्रतिची जागृती येथे पंगू झाल्याचे निदर्शनास येत आहे.
.jpg)
