कुंभा येथे इसमाची आत्महत्या

आत्महत्येची धग....

कुंभा येथे इसमाची आत्महत्या

मारेगाव:- प्रतिनिधी

येथील 53 वर्षे इसमाने विषारी औषध प्राशन  केल्याची घटना  शुक्रवार 11 मार्च रोजी मध्यरात्री घडली होती. त्याचा 14 मार्च रोजी रात्री उपचारादरम्यान मृत्यू झाला.

मारोती लालाजी कोकडे वय 53 वर्ष ,रा.कुंभा, असे मृतक का चे नाव आहे .शुक्रवार रोजी संपूर्ण परिवार नेहमी प्रमाणे झोपी गेला होता. मात्र मध्यरात्रीच्या दरम्यान मृतकाने घरातच विषारी औषध प्राशन केले .

घरच्या मंडळीच्या लक्षात येताच त्याला उपचारार्थ वणी येथील खाजगी रुग्णालयात दाखल केले .मात्र प्रकृतीत सुधारणा होत नसल्याने त्याला यवतमाळ येथील शासकीय रुग्णालयात उपचारार्थ दाखल करण्यात आले होते. 14 मार्च रोजी रात्री उपचारादरम्यान त्याचा मृत्यू झाला.त्यांच्या मागे पत्नी, दोन मुले असा आप्त परिवार आहे .आत्महत्येचे नेमके कारण समजू शकले नाही.