राष्ट्रसंताना भारतरत्न द्यावा उदय पाल वणीकर यांची मागणी
राष्ट्रसंत तुकडोजी महाराज यांची ग्रंथसंपदा आणि कार्य विश्वविख्यात आहे .ग्रामगीतेच्या माध्यमातून त्यांनी आदर्श भारताची रचनात्मक मांडणी केली अनेक स्फूर्तिदायक क्रांतिगीते लिहून स्वातंत्र्ययोद्ध्यांना आणि युवकांना प्रेरीत केले . त्यांच्या कार्याची दखल अनेक तत्कालीन राष्ट्रीय नेत्यांनी घेतली . स्वतंत्र भारताचे प्रथम राष्ट्रपती डॉ . राजेन्द्रप्रसाद , पूर्व प्रधानमंत्री जवाहरलाल नेहरू , इंदिरा गांधी यांच्यासह अनेक दिग्गजांनी गुरुकुंज आश्रमात जाऊन राष्ट्रसंतांची प्रत्यक्ष भेट घेतली . एवढेच नव्हे तर सेवाग्राम आश्रमात राष्ट्रपिता महात्मा गांधी यांच्यासोबत अनेक दिवसांपर्यंत राष्ट्रहिताच्या चर्चा आणि नियोजन झाले . १ ९ ४२ च्या क्रांतीसह अनेक लहान - मोठ्या ब्रिटीशविरुद्ध लढयात राष्ट्रसंतांचा प्रत्यक्ष किंवा अप्रत्यक्ष सहभाग राहिला . त्यांना यासाठी कारावासही झाला .
राष्ट्रसंतांच्या कार्याची दखल संपूर्ण विश्व घेत आहे .अनेक विद्यापीठांतून यांच्या रचनांचा , साहित्याचा विद्यार्थी अभ्यास करत आहे . राष्ट्रीय - आंतरराष्ट्रीय स्तरांवर गाजलेल्या या महामानवाला स्वातंत्र्यानंतर ७५ वर्षे उलटून भारतरत्न पुरस्कार मिळाला नाही . ही अत्यंत खेदाची बाब आहे .
तेव्हा आपल्या माध्यमातून भारत सरकारला आम्ही विनंती करतो की , त्यांनी राष्ट्रसंतांना सन्मानपूर्वक भारतरत्न पुरस्कार प्रदान करावा . राष्ट्रसंतांच्या साहित्याने राष्ट्रीय क्रांती केली . तशीच वैचारिक आणि सामाजिक क्रांतीही केली आहे . त्यांच्यासोबत प्रत्यक्ष राहून अनेकांनी त्यांचे विचार स्वीकारले . त्यांच्या विचारांवर कार्य केले . राष्ट्रसंतांच्या निर्वाणानंतर तेच कार्य त्यांच्या साहित्य करीत आहे . राष्ट्रसंतांच्या विचारातून अनेक पिढ्यातील कीर्तनकार , प्रबोधनकार आजही हे काम करीत आहे . हाच विचारांचा वारसा घेऊन अकोला जिल्ह्यातील अकोट तालुक्यातील मुळचे सिरसोली गावाचे सत्यपाल चिंचोळकर हे ५० वर्षांपूर्वी राष्ट्रसंतांच्या विचारांनी प्रभावित आणि प्रेरीत झाले . ग्रामप्रबोधनाचा आणि लोकजागराचा धागा पकडून ते आजही राष्ट्रसंतांचे विचार गावोगावी घरोघरी पोहचवीत आहेत. अंधश्रद्धा निर्मूलन , शिक्षण , आरोग्य , व्यसनमुक्ती या विषयांवर ते जनजागृती करीत आहेत . त्यांच्या प्रबोधनामुळे अनेक युवक व्यसनमुक्त होऊन सन्मार्गाला लागलेत .
राष्ट्रसंतांचे कार्य आणि विचार ते घरोघरी पोहचविण्यासाठी आजही धडपड करीत आहेत . त्यांच्या मार्गदर्शनाखाली किंवा प्रेरणेने अनेक तरुण , तरुणी प्रबोधनाच्या क्षेत्रात उतरले . ते अनेक छोट्या - मोठ्या पुरस्काराने सन्मानीत झालेत . त्यांच्या या कार्याची दखल महाराष्ट्र शासनाने घ्यावी अशी विनंती आपल्या माध्यमातून करतो . तसेच प्रबोधनकार सत्यपाल महाराज यांना महाराष्ट्रभूषण पुरस्कार देऊन सन्मानीत करण्यात यावे अशी आपल्या माध्यमातून विनंती करतो . शेवटी माझ्यासह अनेक गुरूदेव भक्तांची ही मागणी आहे की , राष्ट्रसंत तुकडोजी महाराज यांना भारतरत्न तर प्रबोधनकार सत्यपाल महाराज यांना महाराष्ट्रभूषण पुरस्कार सन्मानपूर्वक प्रदान करण्यात यावां.
.jpg)
