मांगली येथे पोषण आहाराची अफरातफर
पालकांची संबंधित विभागाकडे तक्रार
मारेगाव : प्रतिनिधी
तालुक्यातील मांगली येथील अंगणवाडी सेविकेने पोषण आहाराची अपहार केल्याने तिला निलंबीत करण्यात यावे अशा आशयाची तक्रार पालकांनी एकात्मिक बालविकास सेवा योजना प्रकल्प कार्यालयात दिल्याने खळबळ उडाली आहे. आपल्या पायाखालची वाळू सरकत असल्याने संशायितीने दोन युवका विरोधात पोलिसात तक्रार दाखल केली आहे.
शासनाकडून अंगणवाडी बालकांना सकस व पोषण आहार दिल्या जातो.गावपातळीवर येणाऱ्या पोषण आहार मागील सप्टेंबर महिन्यात अंगणवाडी सेविका रेखा कुत्तरमारे हिने अर्धा पोषण आहार गडप केल्याचा आरोप पालकांनी केला आहे.सदर बहुचर्चित सेविकेने थेट घरी वाहन लावून पोषण आहार उतरविण्याचे फंडे सुरू केले आहे.स्तनदा माता ,अंगणवाडी मुलांचा पोषण आहार प्राप्त होऊनही माल आलाच नसल्याचे घुमजाव करण्यात येत आहे. त्यामुळे सेविके कडून मुलांची पुरती बोळवण करणाऱ्या सेविकेची तात्काळ निलंबन करण्यात यावे अशा आशयाची तक्रार सुरज मत्ते ,सारिका गजबे, मंगला मत्ते,मंगला मेश्राम,भालचंद्र मेश्राम,शुभम जीवतोडे,सुनीता आडे यांच्या सह बहुसंख्य पालकांनी दिली आहे.
बाल सरंक्षण समिती रद्द करा
येथे स्थापन करण्यात आलेली बाल सरंक्षण समिती पालकांना विश्वासात न घेता करण्यात आली स्वमर्जीने व हेकेखोर प्रवृत्तीने ही समिती स्थापन करून विद्यमान अध्यक्ष साखरा येथून निवडुन आला गावपातळीवर प्रचंड विरोध असल्याने आणि त्याचा शून्य उपयोग होत असल्याने सदर समिती रद्द करण्यात यावी अशीही पालकांची मागणी आहे.
तक्रारीचा सूड.. प्रकरण पोलिसात
पोषण आहार अफरातफर प्रकरणाची तक्रार पालकांनी संबंधीत विभागाकडे करताच सेविकेच्या पायाखालची वाळू सरकू लागली.पारदर्शक चौकशीत कारवाईची टांगती तलवार उभी असल्याने सेविकेने येथील चक्क दोन युवका विरुद्ध पोलिसात तक्रार दाखल केली.सदरहू तक्रार बिनबुडाची , आकसापोटी व मलिंदा लाटण्यास अडसर निर्माण होत असल्याने केवळ सूड उगवण्यासाठी केलेला केविलवाणा प्रयत्न असल्याने ही खोटी तक्रार ग्राह्य धरू नये असे तीस नागरिकांच्या स्वाक्षरीने निवेदन पोलिसात देण्यात आले आहे.
बाल सरंक्षण समिती रद्द करा
येथे स्थापन करण्यात आलेली बाल सरंक्षण समिती पालकांना विश्वासात न घेता करण्यात आली स्वमर्जीने व हेकेखोर प्रवृत्तीने ही समिती स्थापन करून विद्यमान अध्यक्ष साखरा येथून निवडुन आला गावपातळीवर प्रचंड विरोध असल्याने आणि त्याचा शून्य उपयोग होत असल्याने सदर समिती रद्द करण्यात यावी अशीही पालकांची मागणी आहे.
तक्रारीचा सूड.. प्रकरण पोलिसात
पोषण आहार अफरातफर प्रकरणाची तक्रार पालकांनी संबंधीत विभागाकडे करताच सेविकेच्या पायाखालची वाळू सरकू लागली.पारदर्शक चौकशीत कारवाईची टांगती तलवार उभी असल्याने सेविकेने येथील चक्क दोन युवका विरुद्ध पोलिसात तक्रार दाखल केली.सदरहू तक्रार बिनबुडाची , आकसापोटी व मलिंदा लाटण्यास अडसर निर्माण होत असल्याने केवळ सूड उगवण्यासाठी केलेला केविलवाणा प्रयत्न असल्याने ही खोटी तक्रार ग्राह्य धरू नये असे तीस नागरिकांच्या स्वाक्षरीने निवेदन पोलिसात देण्यात आले आहे.
.jpg)
