लोकनेते कै. बाबूरावजी मडावी म्हणजे स्वातंत्र्यप्राप्ती नंतरचा बदलांसाठी वादळ होणारा अद्वितीय योद्धा
🔸डॉ. विनोद देवगडकर यांचे प्रतिपादन
मुकुटबन : संजय लेडांगे
स्वतःचे पारंपरिक जीवन जगत असतांना आदिवासी मध्ये अनेक प्रकारच्या समस्या निर्माण झाल्यात तसेच भारतीय जीवनाच्या प्रगतीच्या दृष्टीने आदिवासी मध्ये परिवर्तन आणणे अपरिहार्य आहे त्यासाठी विविध स्तरातून व विविध प्रकारच्या माध्यमाने आदिवासींच्या जीवनात जी ढवळाढवळ झाली त्यातून निर्माण झालेल्या समस्या ह्या स्वातंत्र्य प्राप्तीनंतरही संपुष्टात आल्या नाही तर संपूर्ण अदिवासी वर त्या वादळासारख्या सतत आदळत राहिल्या याला वाचा फोडण्यासाठी आपणच एक वादळ होणे आवश्यक आहे हे मर्म कै. बाबुरावजीनी जाणलं म्हणून लोकनेते कै. बाबूरावजी मडावी म्हणजे स्वातंत्र्यप्राप्ती नंतरचा बदलांसाठी वादळ होणारा अद्वितीय योद्धा आहे असे प्रतिपादन डॉ. विनोद देवगडकर यांनी केले.
ते परधान समाज संघटना झरी जामनी ने आयोजित केलेल्या कै. बाबुरावजी मडावी जयंती उत्सव निमित्ताने प्रमुख वक्ते म्हणून बोलत होते. ते पुढे म्हणाले की, इंग्रज राजवटीपूर्वी आदिवासी च्या जीवनात फारसा झाल्याचे दिसत नाही परंतु संविधान निमिर्ती नंतर आदिवासींच्या हितसंबंधावर लक्ष देणे त्यांचे सामाजिक व आर्थिक संरक्षण करणे खऱ्या अर्थाने सुरू झाले. आदिवासी संदर्भात शासनाचे कुठेतरी दुर्लक्ष होत आहे म्हणून बाबुरावजी शेवटपर्यंत आदिवासीच्या हितसंबंधचे रक्षण करण्यासाठी एखाद्या योद्ध्यासारखे लढले हे आदिवासी समाजाने विसरून चालता येणार नाही.
यावेळी विचापीठावर कार्यक्रमाचे अध्यक्ष श्री दयाकर गेडाम तालुका अध्यक्ष परधान समाज संघटना, उद्घाटक संगीता हेलोंडे मॅडम PSI पोलीस स्टेशन पाटण प्रमुख वक्ते प्रा. डॉ. प्रवीण कनाके प्राध्यापक BDP महाविद्यालयात पांढरकवडा, श्री. तुकारामजी आत्राम तालुका अध्यक्ष कोलाम संघटना, श्री. अविनाश कुडमेथे तालुका अध्यक्ष आदिवासी एम्प्लॉईझ फेडरेशन, श्री. पांडुरंग पोयाम तालुका अध्यक्ष अखिल भारतीय आदिवासी विकास परिषद, श्री. विठ्ठल काटकर तालुका अध्यक्ष भीमटायगर संघटना, श्री. बंडूजी सोयाम , अँड काटकर उपसरपंच जामनी, श्री. विनायक कुमरे सर, श्री. प्रमोद कोवे सर उपस्थित होते.
स्थानिक बिरसा मुंडा चौकातुन पारंपरिक ढेमासा नृत्याचे तालावर रॅलीने या जयंती उत्सवाची सुरुवात झाली. कै बाबुरावजी मडावी यांच्या तैलचित्राचे व ओट्याचे अनावरण संगीता हेलोंडे मॅडम PSI पोलीस स्टेशन पाटण यांचे हस्ते करण्यात आले. आणि संगीता हेलोंडे मॅडम, दयाकर गेडाम, डॉ. प्रवीण कनाके, डॉ. विनोद देवगडकर यांचा गौरव करण्यात आला. प्रबोधनपर कार्यक्रमात संगीता हेलोंडे मॅडम यांनी तंटामुक्त गाव कायदा व सुव्यवस्थापण यावर मार्गदर्शन केले. प्रा. डॉ. प्रवीण कनाके यांनी कै. बाबुरावजी मडावी यांच्या जीवनकार्यावर प्रकाश टाकला तर श्री दयाकर गेडाम यांनी संघटनेची भूमिका विषद केली. डॉ. विनोद देवगडकर यांनी बाबुरावजी मडावी यांचे संघर्षमय जीवन, परधान समाजाचा पूर्वेइतिहास, सामाजीक परिवर्तन व सद्य स्थितीतील आव्हाने यावर विचार प्रगट केले. कार्यक्रमाचे संचालन श्री. विनोद मडावी सर तर आभारप्रदर्शन श्री. मदन गेडाम यांनी केले. यावेळी बहुसंख्य आदिवासी बांधव उपस्थित होते. स्नेहभोजनानंतर कार्यक्रमाची सांगता झाली.
या जयंती उत्सवाच्या यशस्वीतेसाठी सर्वश्री, श्रीधर कोडापे, मनोहर गेडाम, राज सिडाम, अनिल पोयाम, भगवान येरमे, मनोहर कुमरे, पवन नैताम, डॉ बळीराम मडावी, डॉ प्रशांत येटे, मनोज कुमरे, रवी कुळसंगे, मारोती मेश्राम, अरुण मेश्राम, जीवन आडे, चेतन सुरपाम, प्रशांत सोयाम, इरफान सर, नानू कोडापे, मेश्राम सर, बोरकर सर व समस्त समाज बांधव सहकार्य लाभले.
.jpg)
