राष्ट्रीय सेवा योजना व शारीरिक शिक्षण विभागाकडून संविधान दिन साजरा
🔸कला वाणिज्य व विज्ञान महाविद्यालयाचा पुढाकार
मारेगाव : प्रतिनिधी
कला वाणिज्य व विज्ञान महा. मारेगाव येथील रा.से.योजना व शारीरिक शिक्षण विभागाकडून सविधान दिन साजरा करण्यात आला. संविधानामुळे भारताचे जागतिक महासत्ता होण्याचे स्वप्न पूर्ण होईल असे विचार कार्यक्रमाचे प्रमुख मार्गदर्शक डॉक्टर सिद्धराम मुंडे यांनी व्यक्त केले. तसेच कार्यक्रमाचे अध्यक्ष प्राचार्य डॉ. अविनाश घरडे यांनी विद्यार्थ्यांशी संवाद साधतांना उच्च शिक्षणाचे महत्त्व सांगितले तर डॉ. गजानन सोडनर यांनी संविधानातील मूलभूत हक्क व न्यायिक पुनर्विलोकन याविषयी मार्गदर्शन केले .
संविधानउद्देश पत्रिका वाचन प्रा. विजय भगत यांनी केले. संविधान दिनानिमित्त घेण्यात आलेल्या सामान्य ज्ञान परीक्षेचे बक्षीस वितरण यावेळी करण्यात आले. स्पर्धेत प्रथम क्रमांक सायली आसुटकर बीए भाग एक, द्वितीय क्रमांक अंकिता पावडे बीए,भाग तीन तर तृतीय क्रमांक नीरज महातले बीएससी भाग 2 या विद्यार्थ्यांना मिळाले. सदर कार्यक्रमाचे आयोजन रा.से.यो. प्रा.बाळासाहेब देशमुख व शारीरिक शिक्षण विभाग प्रमुख डॉ. नितेश राऊत यांच्या संयुक्त विद्यमानाने झाले .याप्रसंगी मंचावर डॉ. माधुरी तानुरकर आणि डॉ.विनोद चव्हाण उपस्थित होते.
कार्यक्रमाचे सूत्रसंचालन डॉ.प्रविण कुलकर्णी तर आभार डॉ.नितेश राऊत यांनी केले. कार्यक्रमाच्या यशस्वी करिता प्रा. शैलेश कांबळे,डॉ.घोडखांदे मॅडम, डॉ,चिरडे सर,डॉ.अडसरे सर, प्रा. माकडे सर, प्रा.आत्राम सर प्रा.जनेकर सर, प्र.वांढरे सर, डॉ.कांबळे मॅडम, आदींनी मेहनत घेतली
.jpg)
