मार्डी प्रकरण...
आरोपी आढळल्यास पोलीस स्टेशनला कळवा
🔸मारेगावचे ठाणेदार राजेश पुरी यांचे आवाहन
मारेगाव : प्रतिनिधी
मारेगाव तालुक्यातील मार्डी येथील दागिने लंपास प्रकरणातील संशायीत आरोपी कुणाला आढळल्यास मारेगाव पोलीस स्टेशनला तात्काळ संपर्क करण्याचे आवाहन ठाणेदार राजेश पुरी यांनी केले आहे.
मार्डी येथील डॉ.राहुल ठाकरे यांच्या शेतात असलेल्या बंड्यातून सालदार देविदास जवादे यांच्या मालकीचे जवळपास १५ हजार रुपयांचे सोन्याचे अलंकार चोरट्याने दि.२७ ला लंपास केले.संशायीत आरोपी हा मोटारसायकलने आला असून चलबिचल करीत कुठलीही वस्तू जवळ नसतांना बंड्याच्या दिशेने गेला.परत जात असतांना त्याने काळ्या रंगाची बॅग घेऊन मोटारसायकलने पोबारा केल्याचे चित्र सीसीटीव्ही कँमेरात बंदिस्त झाले.
सदर युवक हा ३५ ते ४० वयोगटातील असल्याचा प्राथमिक अंदाज असून त्याने निळी जीन्स पॅन्ट व सफेद टी शर्टवर काळ्या रंगाचे पट्टे असलेली टी शर्ट परिधान केली आहे.अशा आशयाचा इसम आढळल्यास तात्काळ मारेगाव पोलीस स्टेशनला कळवावे व प्रशासनास सहकार्य करण्याचे आवाहन ठाणेदार राजेश पुरी यांनी केले आहे.
.jpg)
