कॉलेज तरुणाची गळफास घेऊन आत्महत्या
🔸मारेगाव तालुक्यातील गौराळा येथील घटना
मारेगाव | प्रतिनिधी
पंचक्रोशीत आत्महत्याग्रस्त तालुका म्हणून प्रचलित असलेल्या मारेगाव तालुका मध्ये आज पुन्हा एक तरुणाने आत्महत्या केली.तालुक्यातील गौराळा येथे एका १८ वर्षीय तरूणांने राहत्या घरामध्ये गळफास लावून आत्महत्या केल्याची घटना १८ नोव्हेंबर रोजी दुपारी १२:३० वाजताच्या दरम्यान घडली.
सदर युवकाचे नाव युवराज मधुकर धोबे (१८) असे आहे युवराज यांच्या पश्चात आई वडील असा आप्त परिवार आहे.या प्रकरणी मारेगाव पोलिसांनी आकस्मिक मृत्यूची नोंद केली असून ग्रामीण रुग्णालय मारेगाव येथे मृतदेह शवविच्छेदन करण्यासाठी आणलेला आहे पुढील तपास मारेगाव पोलीस करत आहे.
आत्महत्येचे कारण तूर्तास अस्पष्ट आहे युवराज यांच्या आत्महत्येमुळे संपूर्ण परिसरात हळहळ व्यक्त होत आहे.
मारेगाव तालुक्यात आत्महत्याचे सत्र कधी थांबतील यासाठी प्रशासन समाज जागृती, सामाजिक कार्यक्रम, सामाजिक प्रबोधन शिबिर घेऊन जनतेचे मनोबल वाढवून आत्महत्या रोखण्यासाठी काय पर्याय काढतील याकडे सर्वांचे लक्ष लागले आहे.
.jpg)
