जागतिक आदिवासी दिनाचा विरोध करणाऱ्या भाजप खासदार गजेंद्र सिंह पटेल यांचे लोकसभा सदस्यत्व रद्द . अखिल भारतीय आदिवासी विकास परिषदेने व रावन राजे फांऊंडेशन तहसीलदार यांच्या मार्फत मा. राष्ट्रपती यांना निवेदन पाठवून केली मागणी.
धुळे /प्रतिनिधी
हिंदी वर्तमान पत्रात 'भाजपा' संसद ने किया विश्व आदिवासी दिवस का विरोध,बताया विदेशी एजेंडा'या मथळ्याखाली ९ ऑगस्ट रोजी प्रकाशित झाली होती.या पार्श्वभूमीवर अखिल भारतीय आदिवासी विकास परिषेचे तथा रावन राजे फाउंडेशनचे ग्रामीण जिल्हाध्यक्ष धुळे यांनी तहसीलदार यांच्या मार्फत जागतिक आदिवासी दिनाचा विरोध करणाऱ्या भाजप खासदार गजेंद्र सिंह पटेल यांचा संघटनेच्या वतीने निषेध केला आहे.
संयुक्त राष्ट्र संघटनेने (युनो)१९९३साली पर्यावरण संवर्धन, आदिवासी समाज व संस्कृती रक्षणार्थ ९ ऑगस्ट हा जागतिक आदिवासी दिवस म्हणून मोठ्या उत्साहाने साजरा करण्याचे घोषित केले. तेव्हा पासून जगभरात विश्व आदिवासी दिवस मोठ्या उत्साहात साजरा केला जातो. असे असताना मध्यप्रदेश राज्यातील बडवानी या आदिवासी क्षेत्राचे भाजपचे खासदार गजेंद्र सिंह पटेल यांनी जागतिक आदिवासी दिनाला विदेशी एजेंडा सांगून देशभरातील आदिवासी समाजाचा अपमान केलेला आहे. त्यानुषंगाने या भाजपा लोकसभा खासदाराचे सदस्यत्व रद्द करण्याची मागणी अखिल भारतीय आदिवासी विकास परिषेचे धुळे ग्रामीण जिल्हाध्यक्ष उमेश पावार यांनी तहसीलदारच्या मार्फत मा. राष्ट्रपती यांच्या कडे केली आहे.
.jpg)
