पोलीस निरीक्षका सह दोन पोलिसांनी ५०हजारांची लाच घेतल्याचा आरोप जिल्हा पोलीस अधीक्षकाकडे तक्रार
पैसे घेतल्याचा ऑडिओ क्लिप सोशल मीडियावर व्हायरल
सहाय्यक फौजदार, तत्कालीन व होमगार्ड यांची मध्यस्थीची भूमिका जिल्हा
निलंबनाची कार्यवाही न केल्यास कुटुंबीयसह आमरण उपोषणचा दिला इशारा
प्रतीनीधी, यवतमाळ: झरी तालुक्यात मुकुटबन पोलीस स्टेशनच्या ठाणेदारांनी ५० हजार रुपये घेऊन चोरीचा खोटा गुन्हा दाखल केल्याची तक्रार जिल्हा पोलिस अधीक्षक यांच्या सह वरिष्ठ अधिकारी यांच्या करून त्वरित निलंबन करण्याची मागणी करण्यात आली आहे.
प्राप्त महितीनुसार मुकुटबन येथील रहिवासी असलेला दीपक उदकवार हा हॉटेल व्यावसायिक असून तो आपल्या कुटुंबाचा उदरनिर्वाह करतो. त्यांच्या घराचे बांधकाम सुरू असल्याने त्यांना रेतीची आवश्यकता होती. पाऊस सुरू असल्याने रेती मिळत नसल्याने ड्रायवर याला कुठे रेती मिळत असेल तर आणायला सांगितले. रेती घेऊन येत असताना येडशी गावाजवळ ठाणेदार धर्मा सोनुने व 
सहाय्यक फौजदार ऋषी ठाकूर यांनी पहाटे ६ वाजता ट्रक्टर पकडला व कोणताही पंचनामा न करता जप्त करून पोलीस स्टेशनला लावला. ट्रक्टर मालक दीपक उदकवार याला ९ वाजता ठाण्यात बोलाविले. ठाण्यात दीपक गेला असता ठाणेदार सोनुने व सहाय्यक फौजदार ऋषी ठाकूर हजर होते . दोघांनीही दीपक याला १ लाखाची मागणी केली व तू पैसे न दिल्यास तुझ्यावर चोरीचा गुन्हा दाखल करतो व महसूल विभागाकडे ट्रॅक्टर सोपवून दीड लाखाचे दंड ठोठवाला लावतो असे धमकावले. १ लाख रुपयाच्या मागची तडजोड करण्याकरिता १२ वर्ष मुकुटबन येथे असलेले तसेच ठाणेदार सोनुने यांचे रायटर तत्कालीन पोलीस सुलभ उईके याने मोबाईलद्वारे दीपक याला फोन करून तसेच दबाव टाकून१ लाखावरून ५० हजाराची दबाव टाकून मागणी केली व तडजोड झाली. कोणताही गुन्हा दाखल न करण्याचे ५० हजार देण्याचे कबूल झाले. ठाणेदार सोनुने व ऋषी ठाकूर यांनी ५० हजार आणण्याकरिता होमगार्ड निखिल मोहितकर याला दीपक यांच्या हॉटेल मध्ये पाठविले. होमगार्ड मोहितकर हा हॉटेल मध्ये जाऊन दीपक यांच्या पत्नी जवळून बळजबरीने ५० हजार रुपये घेऊन ठाणेदार सोनुने याना दिले. याबाबतची रेकॉर्डींग सुद्धा तक्रार कर्ते जवळ आहे. ५० हजार देऊन सुद्धा ठाणेदार व सहाय्यक फौजदार यांनी दीपक उदकवार याच्यावर चोरीचा खोटा गुन्हा दाखल केल्याने मानहानी झाली व समाजात बदनामी झाली. ट्रॅक्टर पकडून आणला तेव्हा दीपक हॉटेल मध्ये होता ट्रॅक्टर चालकांवर गुन्हा दाखल न करता 50 हजार घेऊन हेतुपुरस्सर माझ्यावर खोटा चोरीचा गुन्हा दाखल केल्याचा आरोप करण्यात आला. इज्जत व भीती पोटी पैसे देऊनही गुन्हा दाखल करण्यात आल्याने समाजात दीपक याची मोठी मानहानी झाली व आर्थिक नुकसानही झाली.
घटनेच्या दिवसाचे सकाळी ५ ते १०.३) पर्यंतचे सीसीटीव्ही फुटेज काढल्यास होमगार्ड मोहितकर हॉटेलमध्ये ५० हजार घेत असतांनाची रेकॉर्डिंग पुरावा असल्याचा दावा पिडीत व्यक्ती केला आहे. पैश्याची मागणी करणारे ठाणेदार धर्मा सोनुने सहाय्यक फौजदार ऋषी ठाकूर तसेच पैसे देण्यास मोबाईल वरून तडजोड करून पैसे देण्यास भाग पडणारा तत्कालीन पोलीस निरीक्षक याचा रायटर सुलभ उईके व पैसे घेऊन जाणारा होमगार्ड निखिल मोहितकार यांनी आपल्या पदाचा दुरुपयोग व शासकीय कर्तव्यात कसूर केले असून पोलीस निरिक्षकासह दोन कर्मचारी पोलिसावर महाराष्ट्र पोलीस अधिनियम १९५१, महाराष्ट्र ग्राम पोलीस अधिनियम १९६७मुंबई पोलीस शिक्षा व अपील) नियम१९५६ मुंबई पोलीस कायदा ) भारतीय पुरावा कायदा १८७२ फौजदारी प्रक्रीया कागदा १९७३ भारतीय दंडनहिंता १८६० कायद्याअंतर्गत गुन्हे दाखल ,करून त्वरित निलंबित करण्यात यावे अशी मागणी केले असून अन्यथा कुटुंबियासह आमरण उपोषण करणार असल्याची तक्रार जिल्हा पोलिस अधीक्षक सह पोलीस आयुक्त यांच्या कडे तक्रार दाखल करण्यात आली असुन मुकुटबन पोलीस स्टेशनचे पोलीस निरीक्षका सह दोन पोलिसांनी ५०हजारांची लाच घेतल्याने व खोटे गुन्हे दाखल करऱ्यावर पोलीस अधिकारी व दोन पोलीस एक होमगार्ड यांच्यावर निलंबित करुन कारवाई करा अशी मागणी दिपक उदकवार यांनी तक्रार दाखल करुन केली आहे.
.jpg)
