पोलिस अधिकाऱ्यांनी मागितली दोन कोटींची लाच; मुंबई ‘एसीबी’च्या कारवाईने खळबळ
मुंबईच्या लाचलुचपत प्रतिबंधक पथकाची कारवाई
परभणी जिल्ह्यातील सेलू तालुका येथील उपविभागीय पोलिस अधिकारी व पोलिस नाईक यांनी एका प्रकरणात दोन कोटींची लाच मागितली. तडजोडीनंतर दीड कोटी ठरलेल्या रकमेतून दहा लाख घेताना मुंबईच्या लाचलुचपत प्रतिबंधक पथकाने कारवाई केली,
सेलू (जि.परभणी) येथील उपविभागीय पोलिस अधिकारी व पोलिस नाईक यांनी एका प्रकरणात दोन कोटींची लाच मागितली. तडजोडीनंतर दीड कोटी ठरलेल्या रकमेतून दहा लाख घेताना मुंबईच्या लाचलुचपत प्रतिबंधक पथकाने कारवाई केली, असे लाचलुचपत प्रतिबंधक विभाग, मुंबईचे सहायक पोलिस आयुक्त आबासाहेब पाटील यांनी शनिवारी (२४ जुलै) सकाळी प्रसिद्धी पत्रकाद्वारे स्पष्ट केले आहे. या कारवाईने पोलीस विभागात खळबळ उडाली आहे. या प्रकरणी उपविभागीय पोलिस अधिकारी राजेंद्र गमकरण पाल व पोलिस नाईक गणेश लक्ष्मणराव चव्हाण या दोघाविरुद्ध सेलू पोलिस ठाण्यात गुन्हा दाखल करण्यात आला आहे. आता या प्रकरणात पुढील कारवाईकडे सेलू येथील जनतेचे लक्ष लागले आहे
.jpg)
