हिवरी येथील सरपंच नंदकुमार बोबडे यांची एक्झिट
- नागपुर येथे घेतला अखेरचा श्वास
- पारधी समाजाच्या प्रश्नाला वाचा फोडणारा देवदूत हरपला
मारेगाव : सचिन मेश्राम
मारेगाव तालुक्यातील हिवरी येथील सरपंच नंदकुमार विठ्ठलराव बोबडे यांचे आज रविवारला पहाटे संसर्गजन्य रोगाने निधन झाले.मृत्युसमयी त्यांचे वय ५५ होते.त्यांच्या अकाली निधनाची वार्ता गावात पोहचताच सर्वत्र शोककळा पसरली आहे.
मारेगाव तालुक्यातील हिवरी येथील सरपंच नंदकुमार बोबडे यांची मागील १५ दिवसापासून प्रकृतीत कमालीचा बिघाड झाला होता.त्यांनी नवरगाव येथे प्राथमिक उपचार केले मात्र प्रकृतीत सुधारणा झाली नाही.पुढील उपचारार्थ नागपुर येथे उपचार सुरु असतांना आज रविवार पहाटे त्यांनी उपचारा दरम्यान अखेरचा श्वास घेतला. 
दरम्यान ग्राम विकासावर भर देणारा कारभारी म्हणून त्यांनी अफाट ओळख केली.सातत्याने दुसर्या टर्म मध्येही त्यांनी गावाचा भार सांभाळला.सलग दुसर्या सार्वत्रिक निवडणूकीत सरपंच पदासाठी ते अविरोध निवडून आले होते.गाव पातळीवर असलेल्या पारधी समाजाच्या विविध लोकभिमूख प्रश्नाकरीता त्यांचा संघर्ष वाखान्याजोगा होता.पारधी समाज शासकीय योजने पासुन वंचित राहता कामा नये म्हणून त्यांनी समाजासाठी विविध योजनांचा अमल केला.त्यामुळे पारधी समाजातील लोकांना सरपंच हे देवदूत म्हणून आगळीवेगळी ओळख निर्माण करुन आपल्या पारदर्शकतेचा ठसा उमटविला.
मागील पंधरा दिवसापासून कोविड आजाराने त्रस्त असतांना कोरोनाने त्यांचा बळी घेतला.या घटनेने सर्वत्र शोककळा पसरली असुन त्यांच्या पश्चात पत्नी वंदना,मुलगी स्नेहल व मुलगा चेतन असा आप्तपरिवार आहे.
.jpg)
