मांगली मार्गे तेलंगणात जनावरांची मोठी तस्करी
🔸पायदळ व चारचाकी वाहनातून होते दिवस-रात्र रवानगी,संबधित प्रशासनाचे दुर्लक्ष
मुकुटबन:- संजय लेडांगे
मांगली (हिरापुर) गाव परिसरातून मोठया प्रमाणांत दिवस- रात्र दरम्यान पायदळ व चारचाकी वाहनांतून लगतच्या तेंलगाना राज्यात जनावरांची तस्करी होत आहेत. यात बऱ्याच शेतकऱ्यांची शेतीउपयोगी जनावरे चोरी होत असल्याची ओरड आहेत.सदर तस्करीकडे संबधित प्रशासनाचे जाणीवपूर्वक दुर्लक्ष होत असल्याचे दिसून येत आहेत.
मांगली (हिरापुर) मार्गे तेलगणा प्रांतात जाण्यासाठी केवळ 3 किमी चे अंतर आहेत. नेमका हाच पर्याय शोधून जनावर तस्कर गेल्या कित्येक वर्षांपासून जनावरे तस्करीला अंजाम देत आहेत. आश्चर्यची बाब आतापर्यंत एकही तस्करावर कारवाईचा बळगा ओढला नसल्याचे या तस्करीवरून दिसून येत आहेत. परिणामी जनावरं तस्करांचे मनोबल वाढून ते सर्रास आपली तस्करी वाढवत आहेत. या तस्करीला तस्कर जसे शेतकरीच असल्याचे भासवून फार मोठया प्रमाणात जनावरे पायदळ तोडक्या- तोडक्याने हकलत नेत आहेत. यासह दिवसा व रात्री चारचाकी वाहनातून खुलेआम जनावरे कोंबून तस्करी करीत असल्याचे प्रत्यक्षदर्शी सांगत आहेत. या प्रकाराकडे संबंधित प्रशासनाचे विशेष दुर्लक्ष होत आहेत.
तेलगनातील तस्कर परिसरात एकाद्या स्थानिक माणसाला सोबत घेऊन परिसरातील जनावरे एका ठिकाणी गोळा करून चारचाकी वाहनात निर्दयी कोंबून लगतच्या पैनगंगा नदी परिसरात पोहचवली जातात. तेथून मोठ्या चारचाकी वाहनातून आंध्रप्रदेशातील कत्तलखान्यात पाठविली जात असल्याची माहिती मिळत आहेत.या तस्करीकडे प्रशासनाने लक्ष देण्याची गरज आहेत.
.jpg)
