पीकअप मॅजिकची दोघांना धडक

पीकअप मॅजिकची दोघांना धडक

🔸मारेगाव येथील घटना

🔸धडक देऊन वाहनाचा पोबारा

मारेगाव : प्रतिनिधी

राज्य महामार्गावर रस्ता ओलांडताना दोन इसमांना पिकअप वाहनाने जबर धडक दिल्याने गंभीररीत्या जखमी झाल्याची घटना गुरुवारला रात्री आठ वाजताचे दरम्यान घडली.प्रदीप शामसुंदर देवाळकर रा.मारेगाव व दीपक नवले राजूर (काँलरी) ह.मु. मारेगाव अशी जखमींची नावे आहेत.

मारेगाव राज्य महामार्गावर (जुने पोस्ट ऑफिस)रस्ता ओलांडत असतांना वणीकडून भरधाव वेगाने आलेल्या पिकअप मॅजिक वाहनाने दोघांना जबर धडक दिली.या धडकेत दोघेही जवळपास चाळीस फुटावर फेकल्या गेले.दोघांच्याही डोक्याला , छातीला जबर मार लागल्याने मारेगाव ग्रामीण रुग्णालयात प्राथमीक उपचारानंतर चंद्रपूर येथे हलविण्यात आले.

दरम्यान भरधाव वाहनाने धडक देत घटनास्थळावरून पोबारा केला.मारेगाव पोलिसांनी वाहन शोधण्यासाठी पांढरकवडा पर्यंत शोधमोहीम राबविली मात्र वाहनाचा शोध लागला नाही.पुढील तपास सुरू आहे.