मारेगावचे गजानन किन्हेकर यांचा शेकडो कार्यकर्त्यांसह काँग्रेस मध्ये प्रवेश

नगरपंचायतचे पडघम...

मारेगावचे गजानन किन्हेकर यांचा शेकडो कार्यकर्त्यांसह काँग्रेस मध्ये प्रवेश

🔸काँग्रेस ला बळ , स्वराज्य शेतकरी युवा संघटनेचे काँग्रेस मध्ये विलीनीकरण

मारेगाव  : प्रतिनिधी

नगरपंचायत निवडणुकीच्या पार्श्वभूमीवर शहरात राजकीय वर्चस्व निर्माण करणाऱ्या स्वराज युवा शेतकरी संघटनेने काँग्रेस मध्ये विलीनीकरित शेकडो पदाधिकारी , कार्यकर्त्यांनी काँग्रेसमध्ये खा.बाळू धानोरकर व माजी आमदार वामनराव कासावार यांच्या प्रमुख उपस्थितीत पक्ष प्रवेश केला.या पक्ष प्रवेशाने शहरातील राजकारणाला कलाटणी मिळण्याची शक्यता वर्तविली जात आहे.

मारेगाव नगरपंचायत ची सार्वत्रिक निवडणूक येत्या २१ डिसेंबर रोजी होत आहे.निवडणुकीत सर्वच राजकीय पक्षांचा आखाडा रंगणार आहे.निवडणुकीचे वारे हिट होत असतांना माजी शिवसेना तालुका प्रमुख तथा स्वराज्य युवा शेतकरी संघटनेचे संस्थापक अध्यक्ष गजानन किन्हेकर , माजी पंचायत समिती सदस्या सुनीता मेश्राम,माजी नगराध्यक्ष इंदूताई किन्हेकर , विजय मेश्राम , विशाल किन्हेकर माजी नगरसेवक उमा देवगडे यांच्यासह शहर आणि तालुक्यातील शेकडो कार्यकर्त्यांनी काँग्रेस मध्ये प्रवेश केला.पक्ष प्रवेशाने काँग्रेस पक्षाला शहरात बळ मिळाल्याने आगामी काळात राजकीय समिकरण बदलण्याची संभाव्य शक्यता बळावली आहे.परिणामी किन्हेकर यांच्या पक्ष प्रवेशाने काँग्रेस ची स्थिती आणखी मजबूत झाली आहे.

कार्यकर्ता मेळावा व पक्ष प्रवेश कार्यक्रमास मंचावर खा.बाळू धानोरकर, माजी आमदार वामनराव कासावार यांच्यासह पदाधिकारी उपस्थित होते.कार्यक्रमाचे प्रास्ताविक तालुका अध्यक्ष मारोती गौरकार,सूत्रसंचालन चौधरी सर तर शंकर मडावी यांनी आभार मानले.