शहीद राजू कुडमेथे यांना मारेगाव येथे आदरांजली

शहीद राजू कुडमेथे यांना मारेगाव येथे आदरांजली

🔸मारेगाव पोलीस स्टेशनचा पुढाकार

मारेगाव  :  प्रतिनिधी

मारेगाव पोलीस प्रशासनात कर्तव्यावर असतांना शहीद झालेले राजू कुडमेथे यांना पोलीस विभागाकडून आज शुक्रवार ला त्यांच्या तैलचित्राला पुष्पमाला अर्पण करून आदरांजली वाहण्यात आली.यावेळी मुंबई बॉम्बस्फोटातील शाहीदांना श्रद्धाजंली अर्पण करण्यात आली.

स्व.राजू कुडमेथे हे मारेगाव पोलिसात कर्तव्यात असतांना दि.२६-११-२०१८ रोजी तालुक्यातील हिवरी येथे आरोपीकडे वारंट घेऊन गेले असता त्यांच्यावर आरोपीकडून प्राणघातक हल्ला करण्यात आला. यात त्यांना वीरमरण आले.

राजू कुडमेथे यांच्या तिसऱ्या पुण्यतिथी निमित्त मारेगाव पोलीस स्टेशनचे पोलीस निरीक्षक राजेश पुरी यांनी त्यांच्या तैलचित्राला पुष्पहार अर्पण करून आदरांजली वाहिली.२६/११ च्या हल्ल्यात शाहिद झालेल्या पोलीस अधिकारी व कर्मचाऱ्यांना श्रद्धांजली वाहण्यात आली.याप्रसंगी सुरेंद्र टोंगे, नितीन खांदवे,विनेश राठोड,अजय वाभीटकर,रजनीकांत पाटील,प्रमोद जिड्डेवार,भालचंद्र मांडवकर आदींची उपस्थिती होती.