शेतकऱ्याच्या जमिनीचे बळजबरीने खोदकाम
🔸बेंबळा प्रकल्पाचा प्रताप
🔸मोबदला द्या अन्यथा आमरण उपोषण , शेतकऱ्याचा इशारा
मारेगाव : दीपक डोहणे
तालुक्यातील चिंचमंडळ येथील शेतातील शेवटच्या टोकावर पूर्व कल्पना न देता बेंबळा प्रकल्पाने बळजबरीने खोदकाम केले यात शेतीचे मोठ्या प्रमाणात नुकसान झाले आहे.कँनल मधून सोडलेल्या अती पाण्याने शेतातील मातीही खरडून निघाली आहे.झालेल्या नुकसानीची तात्काळ भरपाई मिळण्यात यावी अन्यथा प्रकल्पाच्या विरोधात आमरण उपोषण करण्याचा इशारा पीडित शेतकऱ्याने दिला आहे.
चिंचमंडळ येथील चिंतामण तानबा वानखडे यांच्या गट नंबर ६४ मधील जमीन ३० आर जमीन यापूर्वी बेंबळा प्रकल्पात भूसंपादन करण्यात आली. त्याचा मोबदलाही मिळाला.मात्र जमिनीच्या शेवटच्या टोकाला बेंबळाचे सोडलेले कँनल भूसंपादन केली नसतांना किमान ९०० फूट लांब नाली पाणी जाण्यासाठी मुजोरीने खोदकाम करण्यात आले. तूर्तास १५ फूट खोल व १५ फुट रुंद असा आजरोजी नालीचा प्रकार आहेत. येथील नालीच्या पाण्याने हजारो ब्रॉस शेतातील माती पुर्णपणे वाहून गेली आहे त्यामुळे शेतजमीन खरडून गेली आहे.
प्रकल्पाच्या अजबगजब प्रकाराने शेतात मोठमोठे खड्डे पडून पिकांचे नुकसान झाले आहे. त्यामुळे जमिनीचा मोबदला अदा करून सिमेंट नालीचे बांधकाम करण्यात यावे अन्यथा शेतकऱ्याच्या जीवावर उठलेल्या प्रकल्पा विरोधात आमरण उपोषण करण्याचा इशारा पिडीत शेतकरी चिंतामण वानखेडे यांनी दिला आहे.
.jpg)
