दिव्यांगाच्या न्यायासाठी दिव्यांग जनक्रांती चे तहसीलदारांना निवेदन
प्रतिनिधी:- राज पिपराडे
जिल्हा समाज कल्याण विभाग,जिल्हा परिषद,यवतमाळ अतर्गत दिव्यांग कल्याण पाच टक्के निधी तिल योजनेच्या लाभार्थी प्रक्रियेमध्ये दिव्यांगा वर अन्याय होत असल्यामुळे त्यांना न्याय मिळवून देण्याकरिता दिव्यांग जनक्रांती संघटनेकडून तहसिलदार मारेगाव यांच्या मार्फत जिल्हाधिकारी यांना निवेदन देण्यात आले. जिल्हा समाज कल्याण विभाग जिल्हा परिषद यवतमाळ अंतर्गत 5 टक्के दिव्यांग कल्याण योजनेच्या निधीतून आटाचक्की झेरॉक्स मशीन स्वयंचलित ई सायकल व दिव्यांगासाठी इतर लाभाच्या योजना राबविल्या जाते.
परंतु काही राजकीय पुढारी आपल्या हितासाठी आपल्या मर्जीतील दिव्यांगांना या योजनेचा लाभ मिळवून देत असल्याचे २०२०-२०२१ निवड केलेल्या लाभार्थी यादीमधून हे चित्र स्पष्ट दिसत आहे. शासनाच्या योजनेचा सर्व तालुक्यांना समान लाभ मिळावा व योजनेपासून कुठलाही दिव्यांग वंचित राहू नये करिता दिव्यांग जनक्रांती संघटना यांनी अशा पद्धतीचे निवेदन तहसीलदार मार्फत जिल्हाधिकारी यांना दिले यावेळी जिल्हाध्यक्ष कांता सुतार,मारेगाव तालुका अध्यक्ष राहुल कोट्टे,महिला तालुकाध्यक्ष वैशाली ताजने,सचिव श्रीकांत पवार व इतर संघटनेचे कार्यकर्ते मोठ्या संख्येने उपस्थित होते.
.jpg)
