Type Here to Get Search Results !

बोटोणी येथे आदिवासी जनजागृती सप्ताहाचा समारोप

बोटोणी येथे आदिवासी जनजागृती सप्ताहाचा समारोप

🔸आश्रम शाळेचा पुढाकार
🔸विविध स्पर्धेत विद्यार्थ्यांचे कौशल्य

बोटोणी  : प्रतिनिधी
येथील शासकीय आश्रम शाळेत आदिवासी जनजाती गौरव सप्ताह साजरा करण्यात आला.मागील आठवडाभर सुरू असलेल्या विविधांगी स्पर्धेत विद्यार्थ्यांना कौशल्याची संधी प्राप्त करून देण्यात आली.शाळेतील सर्व विद्यार्थ्यांनी स्पर्धेत सहभाग नोंदवत त्यांच्या कला गुणांना वाव देण्यात आला.

कार्यक्रमाचे उद्घाटन मुख्याध्यापक राजुसिंग राठोड यांनी केले.क्रांतिवीर शामादादा कोलाम संघटनेचे जिल्हा अध्यक्ष राहुल आत्राम, किशोर आत्राम,दादाराव आत्राम, योगेश केने,मनोज गडदे,एस.आर.तुरारे,बी,.आर.शिंदे,डी. आय.लढे,रवींद्र बोढे,गणेश अक्कलवार यांची प्रमुख उपस्थिती होती.
जनजागृती सप्ताहात विद्यार्थ्यांच्या कला गुणांना वाव देण्यासाठी रांगोळी स्पर्धा, वक्तृत्व स्पर्धा, गितगायन स्पर्धा चे आयोजन करण्यात आले होते.याप्रसंगी चित्रकला स्पर्धेचा निकाल जाहीर करण्यात आला यात प्रथम माधुरी मिनदेवार, द्वितीय कोमल शंकर गोवर्धन, तृतीय ज्ञानेश्वर विठ्ठल टेकाम तर प्रोत्साहन पर बक्षीस जयेश आत्राम, अनुष्का वखनोर या विद्यार्थ्यांचा समावेश आहे.
याप्रसंगी डिजिटल स्क्रीन माध्यमातून शिकवणी वर्गाची व्युव्हरचना व वाचनालय डोळ्यात साठविण्याजोगी होती.माजी विद्यार्थीची उपस्थिती जुन्या आठवणींना उजाळा देत होती.येथील शिक्षण घेऊन घडलेल्या विद्यार्थ्यांचा यावेळी गौरव करण्यात आला. कार्यक्रमाचे प्रास्ताविक योगेश केने यांनी तर सूत्रसंचालन एम.एम.मुद्दलवार यांनी केले.कु.देवगडकर हिने आभार मानले.कार्यक्रमासाठी शिक्षक, कर्मचारी यांनी पुढाकार घेतला.

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

Top Post Ad

Hollywood Movies