समाज उन्नतीचा मार्ग संविधान :डॉ विकास जूनगरी
🔸वणी येथील नूरजहाँ बेगम सलाम अहेमद महाविद्यालयात संविधान दिन साजरा
वणी: प्रतिनिधी
नूरजहाँ बेगम सलाम अहमद कला व वाणिज्य महाविद्यालयामध्ये संविधान दिनाचे औचित्य साधून संविधान दिन साजरा करण्यात आला.
यावेळी आभासी पद्धतीने व्याख्यानाचे आयोजन करण्यात आले.आभासी कार्यक्रमाला प्रमुख वक्ते म्हणून डॉ. विकास जूनगरी उपस्थित होते .विद्यार्थ्यांना संबोधित करतांना संविधान प्रदीर्घ परिश्रमाचे फळ असून संविधानाने माणसाला माणूस म्हणून जगण्याचा अधिकार दिला समाजाची सर्वोतोपरी उन्नती आपल्याला बघायला मिळते यामध्ये संविधानाचे योगदान विसरून जमणार नाही.एक उत्कृष्ट राजकीय यंत्रणा निर्माण करून अफाट लोकसंख्येला एका सूत्रात बांधून ठेवण्याचे महत्तम कार्य आपल्या संविधानाने पार पाडले आहे.एकता, एकात्मतेच्या सीमारेषा निश्चित करून संविधानाने राजकीय यंत्रणेच्या माध्यमातून देशात शांतता प्रस्थापित केली आहे असे मत त्यांनी व्यक्त केले.
कार्यक्रमाचे अध्यक्ष डॉ राणानुर सिद्धीकी ह्या अमेरिकतून उपस्थित होत्या त्यांनी ही मानवी समुदायाला पोषक संविधानाबाबत विचार व्यक्त केले. प्रमुख अतिथी म्हणून अलबीना सिद्धिकी अमेरिका, प्राचार्य डॉ.रोहित वनकर हे उपस्थित होते. कार्यक्रमाचे संचालन व आभार प्रा. प्रदीप झाडे यांनी केले. कार्यक्रमाला बहुसंख्य विद्यार्थ्यांनी उपस्थित दर्शवून संविधानाचं मार्मिकत्व लक्षात घेतले.
.jpg)
