निवडणुकीचे पडघम...
मारेगाव तालुक्यात काँग्रेसचे उद्यापासून जनजागरण अभियान
🔸जिल्हाध्यक्ष वजाहत मिर्झा , वामनराव कासावार प्रमुख मार्गदर्शक
मारेगाव : प्रतिनिधी
मारेगाव तालुक्यात निवडणुकीचा ज्वर वाढतो आहे.आगामी काही महिन्यात होणाऱ्या सार्वत्रिक निवडणुकीत आपल्या पक्षाची मोट घट्ट बांधण्यासाठी मारेगाव तालुका काँग्रेस पक्षाने जनतेपर्यंत जाऊन त्यांच्या प्रलंबित समस्यांचे निरसन करण्यासाठी जनजागरणाचा विडा हाती घेतला आहे.उद्या दि. २४ पासून सुरू होणाऱ्या जनजागरण अभियानास जिल्हाध्यक्ष वजाहत मिर्झा , माजी आमदार वामनराव कासावर हे प्रमुख मार्गदर्शक राहणार आहे.
उद्या दि.२४ ला बोटोणी येथे सायंकाळी ५ वाजता तर नवरगाव येथे संध्याकाळी ७ वाजताचे सभेचे आयोजन करण्यात आले. सभेतून सामान्य जनता, शेतकरी, महागाई विरोधात केंद्र सरकारवर रणशिंग फुकणार आहे.यावेळी अनेक कार्यकर्ते काँग्रेसमध्ये प्रवेश करणार आहे
दि.२६ ला सायंकाळी ५ वाजता चिंचमंडळ येथे तर संध्याकाळी ७ वाजता मार्डी येथे सभेचे आयोजन करण्यात आले आहेत.
दि.२८ ला मारेगाव येथे दुपारी १ वाजता शेतकरी सुविधा केंद्र येथे सभेचे आयोजन करण्यात आले असून या सर्व सभेला जिल्हाध्यक्ष वजाहत मिर्झा , माजी आमदार वामनराव कासावार,सभापती नरेंद्र ठाकरे , जिल्हा मध्यवर्ती सहकारी बँकेचे अध्यक्ष टीकाराम कोंगरे हे मार्गदर्शन करणार आहे.यावेळी जिल्हा परिषद सदस्य अरुणा खंडाळकर , अनिल देरकर,आशिष कुळसंगे,प्रमोद वासेकर, सभापती शीतल पोटे,हरीभाऊ कुमरे,अँड. देविदास काळे यांची प्रमुख उपस्थिती असणार आहे.सदर सर्व सभेला तालुक्यातील जनतेंनी सहभाग नोंदवावा असे आवाहन तालुका काँग्रेस कमिटीचे अध्यक्ष मारोती गौरकार यांनी केले आहे.
.jpg)
