राजकीय पक्ष आलेत अँक्टिव्ह मोड मध्ये..!

नगरपंचायतचे पडघम...

राजकीय पक्ष आलेत अँक्टिव्ह मोड मध्ये..!

🔸चौकाचौकात रंगतोय फड

🔸मारेगाव नगरपंचायत निवडणूक

मारेगाव। : दीपक डोहणे

हळूहळू गुलाबी थंडीला सुरुवात झाल्याखेरीज मारेगाव नगरपंचायत निवडणुकीचे वातावरणात तापत आहे.निवडणुकीचा बिगुल वाजताच सर्वच राजकीय पक्ष अँक्टिव्ह मोड मध्ये आले आहे.मारेगाव नगरपंचायत निवडणुकीचा शहराच्या चौकाचौकात फड रंगतो आहे.

मारेगाव नगरपंचायतची सार्वत्रिक निवडणूक येत्या २१ डिसेंबर रोजी होवू घातली आहे.प्रारूप यादी प्रसिद्ध होताच संभाव्य उमेदवारांनी आपल्या मनातील मतदारांची चाचपणी सुरू केली आहे. वेगळ्या प्रभागात कोलांटउडी मारलेल्या मतदारांना आपल्या प्रभागात आणण्याची संभाव्य उमेदवाराकडून जोरकसपणे प्रयत्न होतांना दिसते आहे. निवडणूक रिंगणात उतरण्यासाठी अनेकांनी बाशिंग बांधले असून यात हवसे गवसे नवसे उडी घेण्याच्या नादात आहे त्यामुळे पक्षश्रेष्ठींची डोकेदुखी वाढणार आहे. यापूर्वी एकांतवासाचा होरा दाखविणाऱ्यानी आता हात वर करीत नमस्कार, रामराम, जयभीम,जय सेवा, जय बिरसा, अत्सलाममालेकुंम घेण्याची लगबग वाढविली आहे.

मारेगाव नगरपंचायत रचनेत मोठा फेरबदल होत १७ प्रभाग निहाय उमेदवार नशिब अजमविणार आहे.मागील पंचवार्षिक निवडणुकीत नगरपंचायत वर सेने भाजप चे वर्चस्व होते.मात्र कालांतराने महाराष्ट्रात बदल लेल्या समिकरणाने यावेळेस नगरपंचायतच्या सत्तापालटण्याचे संकेत आहे.प्रभागनिहाय आरक्षण फेरबदलाने प्रस्थापित नगरसेवकांचे मनसुबे धुळीस निघाल्याने रक्ताचे नाते समोर करताहेत तर काहीजण सोयीचा प्रभाग शोधण्याची शक्कल लढवली आहे.

बहुतांश प्रभागात उपऱ्या उमेदवारास धोबीपछाड देण्याची मतदारांकडून व्युव्हरचना आखण्यात येत आहे.नगरपंचायतची सत्ता काबीज करण्यासाठी काँग्रेस , शिवसेना,राष्ट्रवादी, महाराष्ट्र नवनिर्माण सेना, भाजप, स्वराज्य युवा शेतकरी संघटनाच्या हालचालीला कमालीचा वेग आला असून सर्वच राजकीय पक्ष अँक्टिव्ह मोड मध्ये आले आहे. नगरपंचायतचा गड सर करण्यासाठी नियोजन करण्यात येत आहे,. हा की तो उमेदवार कसा येईल व आपणास कसा राहील याबाबतचा फड चौकाचौकात रंगत आहे.मात्र निवडून येत सत्तेवर बसून मारेगावचा विकास भकास होणार नाही याची खबरदारी घेणारा उमेदवाराच्या शोधात येथील जागृत मतदार राजा आहे.