Type Here to Get Search Results !

ग्राम पंचायत वेगाव येथे संविधान दिन साजरा


ग्राम पंचायत वेगाव येथे संविधान दिन साजरा

वेगाव:राज पिपराडे
मारेगाव तालुक्यातील ग्राम पंचायत कार्यालय वेगाव येथे उद्देशिका वाचन करून संविधान दिन साजरा करण्यात आला.तसेच संविधान दिनाचे औचित्य साधुन येथील स्मशानभूमी व व्यायाम शाळेचे उद्घाटन मान्यवरांच्या हस्ते करण्यात आले.तसेच येथील प्राथमिक आरोग्य केंद्रात भरती असलेल्या महिला रुग्णांना फळ वाटप सुद्धा करण्यात आले.

यावेळी जिल्हा परिषद सदस्य अनिल देरकर,सरपंच सौ.माला गौरकार याचे हस्ते भारतीय घटनेचे शिल्पकार डॉ. बाबासाहेब आंबेडकर यांच्या प्रतिमेला पुष्पमाला अर्पण करण्यात आले.व उद्देशिका चे वाचन करून संविधान दिन साजरा करण्यात आला. 

यावेळी ग्राम पंचायत वेगाव च्या महिला सरपंचा सौ.मालाताई रामकृष्ण गौरकार व ग्राम सचिव जयंत फुलझेले यांनी संविधान दिनाचे महत्व विषद केले.तसेच संविधान दिनाचे शुभ पर्वावर जिल्हा वार्षिक योजना (जनसुविधा) अंतर्गत येथील स्मशानभूमीच्या सेड चे उद्घाटन जिल्हा परिषद सदस्य अनिल देरकर यांच्या हस्ते तर व्यायाम शाळेचे उद्घाटन सरपंच माला गौरकार यांचे हस्ते करण्यात आले.

तसेच महिला बालविकास निधीतून येथील प्राथमिक आरोग्य केंद्रात कुटूंब नियोजन केलेल्या महिलांना फळे वाटप करण्यात आले.यावेळी सरपंच माला रामकृष्ण गौरकार, उपसरपंच ज्ञानेश्वर किंगरे,सचिव जयंत फुलझेले,ग्राम पंचायत सदस्य सदस्य किशोर आसुटकर, दामोदर वाटेकर, भुलाबाई वैद्य, शालिनीताई कापसे, सुनंदा पाचभाई, सुनंदा सूर, ग्रामपंचायत कर्मचारी पुरुषोत्तम चौधरी, कवडू फटाले, ग्रामरोजगर सेवक योगेश्वर कापसे, संगणक ऑपरेटर आकाश उताणे, तसेच ग्रामस्थ उपस्थित होते.

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

Top Post Ad

Hollywood Movies