मार्डी येथून सोन्याचे आभूषणे लंपास

खळबळजनक...

मार्डी येथून सोन्याचे आभूषणे लंपास

🔸शेतातील बंड्यातून केला हात साफ

🔸संशायीत सीसीटीव्ही कँमेरात कैद

मारेगाव : प्रतिनिधी

शेतातील काम करणारा सालदार बंड्यात वास्तव्य करीत असतांना बंड्यातून संशायीताने सोन्याच्या दागिन्यांवर हात साफ करीत पोबारा केला.ही घटना मार्डी येथे दि.२७ नोव्हेंबर रोजी सायंकाळी पाच वाजताचे सुमारास घडली असून संशायीत आरोपी सीसीटीव्ही कँमेऱ्यात कैद झाला आहे.

मार्डी येथील डॉ.राहुल ठाकरे यांच्या शेतातील बंड्यात सालदार    देविदास महादेव जवादे पत्नी व दोन मुलासह मागील सात महिन्यापासून राहतात.दरवाजा उघडा ठेवून शेतात जवादे यांचे कुटुंब कामात व्यस्त असतांना संशायीत हा बंड्यात शिरला.एका काळ्या रंगाचा बॅग मध्ये इतरत्र कागदपत्रे व सोन्याचे डोरले, मंगळसूत्रातील बारीक सोन्याचे मनी असा जवळपास १४ हजार २०० रुपयांचे सोने लंपास केले.संशायीत खाली हाताने आला असतांना जातांना बॅग नेण्याची कसर सोडली नाही.

दरम्यान सदर संशायित हा मोटारसायकलने आला असल्याचे सीसीटीव्ही कँमेरात बंदीस्त झाला आहे.मारेगाव पोलिसात फिर्यादी देविदास जवादे यांनी तक्रार दाखल केली असून पोलीस संशायीताचा कसून शोध घेत आहे.