मॉर्निंग ब्रेकिंग...
ट्रॅक्टर पलटी होऊन मजुराचा जागीच मृत्यू
🔸दोन जन जखमी
🔸कोलगाव शिवारातील घटना
वेगाव : राज पिपराडे
तालुक्यातील कोलगाव वरून वेगावकडे जाणाऱ्या ट्रॅक्टर चालकाचे नियंत्रण सुटून ट्रॅक्टर रोडच्या कडेला पलटी झाल्याने एका मजुराचा जागीच मृत्यू तर दोघे जखमी झाल्याची घटना मंगळवारी रात्री दहा वाजताचे दरम्यान कोलगाव शिवारातील पुलानजीक घडली.
शेतीतील कामे आटोपून चालकासह तिघे बसलेला रोटावेटर ट्रॅक्टर वेगाव कडे निघाला.येथे असलेल्या पुलानजीक चालकाचे नियंत्रण सुटून ट्रॅक्टर रस्त्याच्या कडेला पलटी झाला यात मारोती वालकोंडावार रा.वेगाव (२४) हा युवक जागीच ठार झाला.या अपघातात भारत बोथाडकर (२८),रा.वेगाव जखमी झाले.
दरम्यान अपघातातील मृतदेह शवविच्छेदन करिता मारेगाव ग्रामीण रुग्णालयात आणण्यात आला. जखमींवर वणी येथे पुढील उपचारार्थ दाखल करण्यात आले आहे.