युवा शेतकऱ्यांची कर्जाला कंटाळून गळफास घेऊन केली आत्महत्या
प्रतिनिधी/सचिन महाराज
हिंगणघाट तालुक्यातील अल्लीपुर येथील सदानंद वार्ड येथील रहीवासी युवा शेतकरी चंद्रशेखर वसंतराव कडवे वय ३३ वर्ष यांनी आज राहत्या घरी गळफास घेऊन आत्महत्या केल्याची घटना उघडकीस आली.हि आत्महत्या त्यांनी सतत नापिकीमुळे वाढत्या कर्जाच्या बोजामुळे कंटाळून आत्महत्या केल्याची अल्लीपुर गावात चर्चा केली जात आहे.मृतक युवा शेतकरी चंद्रशेखर कडवे यांच्या नावावर तिन एकर शेतजमीन आहे. त्यांच्यावर हिंगणघाट येथील एच डी एफ सी बॅकचे साडेतीन लाख रुपयांचे पिक कर्ज आहे.सत्तची
नापिकीमुळे त्यांना कर्ज भरता आले नाही अशातच तोंडावर आलेल्या खरीपाच्या पेरणीसाठी लागणारे बि बियाणे खते कशी खरेदी करावी जुने कर्ज कसे फेडायचे या विवंचनेत असल्याने चंद्रशेखर कडवे यांनी गळफास घेऊन आत्महत्या केली असल्याचे कुटुंबियाकडून सांगितले आहे.घटनेची माहिती मिळताच अल्लिपूर पोलिसांनी घटनास्थळ गाठून पंचनामा करून प्रेत शवविच्छेदन करण्यासाठी हिंगणघाट येथे पाठविले आहे.
अल्लिपूर येथिल मंडळ अधीकारी संजय भोंग व तलाठी संदीप करनाके यांनी या घटनेचा प्राथमिक अहवाल हिंगणघाट तहसिल कार्यालयाला पाठविला आहे.पुढिल तपास अल्लिपूर पोलिस करीत आहे.